U toku današnjeg dana, naša izvršna direktorica i članica tima Komunumo, Milica Dedić, sastala se sa Jelenom Ristanović, koordinatorkom projekta i Aleksandrom Vukčević, koja je od 2019. godine u Građanskoj alijansi započela rad na projektu pružanja besplatne pravne pomoći tražiocima azila i izbjeglicama, nakon čega trenutno koordinira istim projektom.
Milica je predstavila ideju Komunumo koja je na Social Impact Award (SIA) takmičenju, održanom 1. oktobra, osvojila četvrto mjesto koje se dodjeljuje ideji sa najvećim brojem glasova online zajednice.
Komunumo predstavlja digitalnu platformu koja će na inovativan način objediniti servise učenja jezika i zapošljavanja što će uštediti vrijeme i omogućiti migrantima da lakše dospiju do adekvatnog radnog mjesta, sa većom platom samostalno plaćaju stanarinu, da njihova djeca pohađaju regularnu nastavu u našim školama, smanjiće se kultorološke razlike i socijalna distanca. Tim koji radi na razvoja platforme, pored Milice, čini i Zoran Mastilović.
Jelena i Aleksandra su, kroz iskustva koje imaju u radu na projektima sa migrantima, udijelile vrlo korisne savjete što Komunumo timu daje dodatan podstrek za dalje korake na putu realizacije ideje.